GHOST OF TSUSIMA

شرح العبة :

*قصة لعبة Ghost of Tsushima

القصة كتبدا من واحد النهار فشاطئ كتسمى ب كومودا ملي المغول باغتو الساموراي .
الحرب انتهت بفوز المغول بسبب انهم استعملو السحر و النار وأساليب اخرى مكتوفرش عليها جيش الساموراي.
زعيم المغول كعرف قوة الساموراي واساليبهم القتالية غدرهم باساليب ماكرة وقتل جميع الساموراي ساموراي واحد اللي نجا حنت عتقاتو شخصية سميتها يونا وبدات كتعلمو عدة اساليب للقتال وسماو ناس بالشبح وهو بطل القصة.

البطل اللي هو جين سافر باش يجمع حلفاء جداد ومن هاد الحلفاء عدة أشخاص باغين ينتاقمو من المغول بسبب العدوان او قتل عائلاتهم .

الجيش كبر والحرب بدات مرة اخرى وهاد المرة الشبح كتغلب عليهم وكقتل الاعداء والرئساء الكبار والناس فرحانين وحتى الفلاحة انظمو ليه وحتى واحد مبقا خايف من الماغول .

الحرب كبرات بانو اعداء جداد للشبح حنت تقاليد الساموراي كتقول خسك تحارب بلا متحول لحتى شي كائن .

النهاية غتكون صعيبة على جين البطل حنت غيتحط في مواقف قاصحة بزاف خسو يختار بين شخصية الشبح لي عونو طيلة الحرب ولا العم ديالو لي رافض نهائيا جين البطل يتجول لشبح.

كانت هادي نبدة عن قصة اللعبة االي مزال فيها مراحل وأحداث كثيرة نخليكم تكتاشفوها.

أبطال لعبة Ghost of Tsushima

1. Jin Sakai

هو البطل لي بيه غادي تلعب وتستمتع باللعبة، اخر ساموراي، وقوتو كنزيد ملي متحول ل شبح 👻.

2. Lord Shimura

هو العم لي ربى جين، علاقتو وطيدة بجين ولكن هاد العلاقة كتدهور بزاف باش جين كولي جني ولا شبح مكبغيهش يولي هاكة.

ويعتبر شرف قبيلة الساموراي هو نفسو كتجسد في شخصية عم جين Lord Shimura.

3. Khotun Khan

قائد المغول قافز وذكي بزاف، هو الشرير الرئيسي فاللعبة، وباغي يتعلم اي طريقة غير باش يفوز بالحرب.

4. Yuna

الهدف ديالها هو تحرر خوها طاكا من المغول وهي لي عتقت جين من الموت وصبحت الحليفة ديالو فأشد المعارك والحروب،

5 TAKA

طاكا الاخ ديال يونا كيستاعنو بيه المحاربين باش يصنع ليهم كل أنواع الأسلحة حنت يعتبر من أمهر الحدادين، انسان طيب بزاف حنين ولكن ضروفو وقصتو صعيبة كتألم.

6. Lady Masako Adachi

شخصية كل مكتفكر فيه هو الثأر والانتقام، من اللي خانها وصفاها العائلتها كاملة، وتعتبر من اقوى محاربات الساموراي، وهي الناجية الوحدي من قبيلة اداتشي .

7. Sensei Ishikawa

عجوز طاعن في العمر، تعرض الخيانة من طرف واحد الفتاة كان دربها على القوس، حنت هو بارع فيه، دابة كدرب الطفل جين باش يولي بارع ويعونو باش ينتقم من ديك الخائنة، اللي من بعد ماتعلمت رمي القوس انظمت المغول لي هما الاعداء ديال جين والعجوز.

8. Norio

محارب ضخم وقوي شديد، هو الدرع ديال المعبد اللي كدير فيه راهب، ديمة متعرض للخطر من طرف المغول لي باغين يستولو على المعبد ،ولكن كتصدى ليهم بكل قوة وبسالة.

9. Kenji

شخصية مرحة كوميدية، كذاب و نصاب، عزاز عليه المشاكل، ولكن لي عجبني فيه قلبو كبير ومساعد ناس في احبك الأمور صراحة، والعمل ديالو تاجر.

خريطة لعبة Ghost of Tsushima

اللعبة عالمها مفتوح وفيها 3 مناطق كل ما تقدمتي في اللعبة كتفتحو..

1. Izuhara - إيزوهارا

- الموقع:أول منطقة كتبدا فيها وهي جنوب الجزيرة.

- الجو: حقول وغابات ومزارع محروقة.

- أهم الأماكن: القرية و المعبد والشاطئ اللي وقعت فيه اول حرب.

- الأعداء: اعداء غير منظمين هم المغول.

2. Toyotama - تويوتاما

- الموقع: موقع كتفتح ملي تسالي الجزء الاول وكتواجد في وسط الجزيرة .

- الجو: ضباب كثيف كيحب الرؤية

- أهم الأماكن: المعبد و البحيرة والقلعة.

- الأعداء: غيطورو فكل سطاج من فرسان محاربين الى فرسان معاهم كلاب ونسور.

3. Kamiagata - كامياغاتا

- الموقع: اخر منطقة اللي هي شمال الجزيرة.

- الجو: من اصعب مناطق اللعبة فيها البرد والثلج والجبال الشاهقة.

- أهم الأماكن: معبد Jogaku، ميناء Izumi، وقرية Sago.

- الأعداء:هادي اخر مراحل اللعبة المغول غيكونو اقوى من دي قبل بدنيا و سلاحا.

كيفاش كتستكشف الخريطة؟

الريح هي الوسيلة الوحيدة باش تعرف الطريق ماكين لا علامات لا والو بعد المرات خسك تلاحظ الدخان وتمشي في بان ليك ووبعد المرات كتبع الطيور والتعالب حتى هما كوجهوك للطريق.

1. Hot Springs: كتولي الصحة فور بزاف ما لا نهاية.

2. Bamboo Strikes: كتعطيك الشجاعة باش تهاجم بطرق خطيرة وقوية بزاف.

3. Inari Shrines: كثكثر بؤر التعويذات Charms.

4. Pillars of Honor: كتجدد بها السيف ديالك وكتزيد فيه تحسينات.

5. Haiku Spots: مواقع للراحة واخد نفس من الحرب.