RED DEAD REDEMPTION ٠2
قصة لعبة Red Dead Redemption 2
القصة كتبدا بواحد السرقة فاشلة، من تم العصابة غتهرب إلى أعلى الجبال خوفا من الشرطة اللي ولات كتحارب العصابة والجريمة بشراسة، القصة كضور في الغرب الأمريكي سنة 1899.
البطل *ارتور مورغان*كبر وتربى في واحد العصابة لي ولات مع مرور الزمن هي العائلة الوحيدة ديالو.
واحد نهار العصابة فكرة في خطة باش يسرقو الفلوس باش يخرجو من الفقر اللي عايشين،ويعيشو فحرية بعد ميهربو للجبال، لكن كل خططهم كتفشل.
كتبدا الأمور كتعقد، فجأة غيجي واحد المجرم عنيف فاقد للشرف سميتو *بيل ميشا*بسبابو رئيس العصابة *دوتش*ولا متهور ومكضرب حساب لوالو،كتولي عندو هيستيريا العظمة.
البطل ديالنا وبدون سابق اندار يتصاب بمرض خطير في الرئة *السل*وهذا المرض هو الي غيكون مفترق الطرق بين حياة الجريمة والسرقة،غتبدل حياتو بالكامل من الشر إلى الخير وهنا غتبدا القصة الممتعة والمشوقة في لعبة *ريد ديد ريديمبشن2*
شخصيات Red Dead Redemption 2
1. Arthur Morgan
هو البطل ديال القصة، غادي يتصاب بمرض خبيث غيخليه يراجع نفسو ويحيى فيه الضمير الإنساني، من بعد ماكان رجل عصابات واخطرهم عنصر في مجمعوته.
2. Dutch van der Linde
هذا واحد المشكاك عزيز عليه السلطة كيموت على شي حاجة سميتها الحرية كندوي على قائد عصابة Van der Linde.3. John Marston
اللي لعب الجزء الأول غيعرف هاد الاسم حنت هاد الشخصية هي بي جسدت بطل الجزء الأول، وفهاد الجزء الثاني يكون صديق البطل Arthur هاد الاخير غادي يحاول يخرج صاحبو معاه من مجتمع العصابات ويحمي العائلة ديالو.4. Hosea Matthews
شخصية متقلبة مرة طيب القلب مرة محتال ومتعصب،وهو رجل مهم فالعصابة ديالو.5. Sadie Adler
شخصية اإرة تحولت من مرأة خوافة إلى مرأة شجاعة وخطيرة سبب التحول موت الزوج ديالها.6. Micah Bell
شخصية شريرة وسوسة داخل العصابة دايما كسبب المشاكل، فيه كاع الصفات الخيبة الاجرام الخيانة وزيد وزيد.7. Charles Smith
شخصية وفية قوية حنت كجمع مابين جوج جنسيات الهندي الافريقي العصابة كتسميه المحارب الصامت.8. Abigail Roberts
هاد شخصية كل مكهمها هو ولدها Jack راجلها John تقيسهم ودع الحياة- *الدور*: مرات John وأم Jack.9. Jack Marston
البطل Arthur عزيز عليه هاد الشاب كعتابرو بحال ولدو وباغي يدير المستحيل باش يخرجو من حياة العصابات.10. Agent Milton
شخصية المطارد، ملي كبغي يطارد شي حد بلا متوقف فطريقو وتحاول توقفو حنت غيصفيها ليك، شرير 😈 لواحد درجة خطيرة، مكهموش شحال من واحد مات كهمو يسالي المهمة ديالو والسلام.ولايات الغرب الأمريكي في لعبة Red Dead Redemption 2
خريطة اللعبة الاسطورية RDR2 كبيرة وفيها بزاف التفاصيل، تضم خمسة ولايات، كل ولاية وتصاريسها والجو ديالها و الحيوانات ديالها والليل فاللعبة يا سلام.
اول ولاية فالخريطة نيو هانوفر
كينة فوسط الخريطة فيها مدينة سميتها *فالينتين* ديال رعاة البقر تضم سهول كبيرة ومزارع شاسع وفيها الحيوانات بكثرة عندك متصيد اراك لنبلة😂.
ثاني ولاية هي ليموين
موقعها في الخريطة جنوب شرق، فيها مدينة *سانت دينيس*الحاجة الخطيرة فيها هي المستنقع اللي فيه التماسيح بزاف ومتوحشين خصوصا بالليل.ثالت ولاية ويست إليزابيث
لي كتموقع في الغرب فيها مدينة وقرية صغيرة فوق الجبل.كتظم غابات وجبال،واحد الجزء فيها غيتحل مع مراحل اللعبة.رابع ولاية أمبارينو
موقعها شمال الخريطة، موقع بارد وفيه ثلج ❄️ كثيف لدرجة البحيرة لي في هاد الولاية مجمدة، حتى الحيوانات فيها متوحش وفيها واحد القرية مهجورة.اخر ولاية اللي هي الخامسة نيو أوستن
جات فاقصى الجنوب من جهت الغرب عبارة عن صحراء قاحلة، فيها منجم مهجور وبلدة مهجورة.معلومات عن اللعبة :
لغة اللعبة : العربية
الشركة المطورة : Rockstar Games
سنة الإنتاج : 2018
الأجهزة : PSX -XBOX - PC
النسخ المعربة :
برنامج مهم في تغيير Région التعريب ليتوافق مع أي نسخة :
ملف التعريب :
ملحوظة : اسهل طريقة لرفع الملفات ببرنامج Jdownloader2
اهلا بكم زوارنا الكرام ،نرحب باستفساراتكم..نحن في خدمتكم☺